وين كنا وين وصلنا

[غرشة فيمتو]

السلام عليكم من يومين كان البيت يصفر وقلنا نسير نتبضع شوي

ونترس الثلاجه اللي كانت على وشك مجاعه

المهم اقرب مكان كارفور ""يالله عاد اي كارفور؟؟ ""
ورحنا وشرينا وشرينا وحسيت بالراحه البيت في نعيم الحمدلله على النعمه

وحنا طالعين نتمشى لاحظت بنات مواطنات لا حشا ولا حشيمه ولا دين ولا اخلاق


المصيبه مواطنات والمصيبه الاكبر بعضهن اهلن وياهن

وين يبن الوحدة عطرها ينشم من مسيرة والعباه اخر موضه طبعا مفتوحه والجنز كاشخ

والشيله اونها عاد لابسه شيله

وسماعة التيلفون فالاذن ترا جوفو انا عندي سماعه وارمس

والله قهر

ونقول الشباب يتحرشون ما يستحون :mad:

صح تذكرت ويوم ينا نطلع بالسيارة جفت لكم وحده من سيارتها تاكل البان تخيلو انه شكلها اعوذ بالله مب طريقه عليها فالاكل <<<<<<<<اخ لاعت جبدي >>>>>>


بالله عليكم لهدرجه صارن بنات البلاد تافهات

انتضر ردودكم ورايكم

[ام حمدوووه]

السلام عليكم الغالية هيه والله صدقتي والله يستر علينا وعلى بناتنا من هالاشكال

[غرشة فيمتو]

شاكرة مرورج يأم حموده والله يخليلج حموده

[شوق الامارات]

العتب على الاهل وياهم وماشي سلطه الله يهديهم

:mad:

[أم عمر]

خلاص في هذا الزمان الملتزم صار شكله غريب الله المستعان


بس الموضوع لازم يكون في المجلس العام وتسلمين

[الجوهره]

اذا كل وحدة هي وابنتها وأختها التزمت بالدين والأخلاق والعادات ،،، كل واحدة جزء من المجتمع ، واذا زاد عدد الملتزمات سوف تشعر العارية والمخطئة بأنها غريبة ما تفعله ليس له مكان هنا ووووممكن أن تتوب وتحتشم هداهن الله ،،، الهداية من الله والتوجية والتربية والنصح المستمر النصيحة مهمة لي ولغيري

[صلاتي حياتي]

الله يقوينا على بناتنا في الوقت اللي البنات فيه عن ثمان

[زهور الصباح]

والله صدقتي أختي هذا الزمن ينخاف من البنات أكثر من الأولأد

[موزان]

الحين البنات ما تقدرين ترمسينهم كل وحده لسانها اطول عنها وما يحبون النصيحه ابدا واذا جربتي ونصحتي بياكلونج اكل بس لازم من صغرهم تعودينهم ع الاحترام والعادات الاسلاميه لانهم اذا كبروا خلااااااااااااص ماشي فايده الله يهدي بنات المسلمين جمعيا
..

[ريم الفلا]

الله يهدي البنات

[أم أحمد]

الله يهدي شبابنا وشاباتنا يارب
..............ومشكورة ع الطرح.................