الدعوه على الطفل

[حواء]

السلام عليكم ورحمة الله وبركاته

خواتي الغاليات

للأسف ألاحظ بعض الامهات ما يتمالكن نفسهن وقت الغضب على اطفالهم مثلا اذا وصخو البيت او ملابسهم او قاموا بعمل مشاغب او حتى وقت التدريس وبدون احساس من شدة غضبها تدعي عليه المسكين

يا ناس دعوة الام والاب مافي اقوى منها خافوا الله تعبتوا وسهرتوا وحملتوا وبيوم وليله تدعون على ابنائهم بدعوة قوية ما تدرون يمكن هذا الوقت وقت اجابة الدعوه ويستجاب لدعائكم

عودوا نفسكم دايما بدل ما تدعون عليهم انكم تدعون لهم بالهداية

واذا تمالككم الغضب امسكوا اعماركم واستغفروا ربكم واتوضوا وصلولكم ركعتين وردوا مره ثانيه روحولهم نفسيتكم بتهدا باذن الله

ديروا بالكم وايد سوالف صارت بسبب دعوة الاهل على عيالهم

وربي يحفظلكم عيالكم

[لافنـــدر]

موضوعج حلو
وفعلا المفروض الام تعود لسانها على جمل حلوة
مثل الله يهديكم , الله يصلحكم , لان ساعة الغضب اللسان يقول الكلام اللي متعود عليه
وانا دوم اتذكر مقولة قالها الشيخ السديس بما معناه انه حين كان مراهقاا غضبت منه والدته فدعت عليه وقالت له رووح ان شاءالله تكون امام الحرمين