أكلات مفرزنه لرمضان بسرعه

[شيخة الحريم]

السلام عليكم

مرحبا خواتي اخباركم ؟

انا يالسه افكر من متى شو من الاكلات اللي ممكن اني افرزنها لرمضان علشان ما اتعب وايد بالطبخ ويكون لي وقت اتفرغ للعباده وما اهلك برمضان

:043:

سويت للحين ضنفين وناويه اكمل

سويت اصابع الجبنه بعجينة السمبوسه وجبن الكيري ووزعته ببوكسات وفصلت من بين صف والثاني بنايلون
ولفيت سمبوسه بطاط بعد ونفس الشي فرزنته وخزنته ببوكسات بين كل بوكس والثاني فاصل نايلون

ناويه احشي ثلاث دجاجات بنخي وبصل واتبلها وافرزنها علشان اطبخها على طول بدون تعب
باذن الله بشتري سمبوسه الجبن الجاهزه وبخليها عندي احتياط
وبشترين قطع التكه او الشيش طاووق الكوارتين الجاهزه وبخليها بالفريزر وبقليها وبقدمها مع العيش او المعكرونه بعدين

ناويه اسوي سندويشات دياي وافرزنها ويوم ابا اسويها بسوي خلطة القشطه مع الجبن وبصبها فوقها وبحطها بالفرن

شو ممكن اسوي بعد ؟ :043:

شاركوني :f161:

[البرشاوية]

كل أنواع السمبوسة ( دجاج - لحم - خضرة )
سبرينغ رول ( خضار - روبيان - لحم )
كفتة ( جبن - لحم - دجاج - خضار - تونة )طبعا بالبطاط
مممممممممم هذا إلي ذكرته

[كل الغلا]

أهم شي الحلويات يمي يمي :patch_swit:

[بنت راك]

سمبوسة الدجاج ما تخترب في الفريزر ( يعني يتغير طعمها) ،، ؟؟؟ انا و لا مرة جربت اثلج الاكل ,,,, كيف الطريقة ؟؟؟

[هنومة]

شوفى البانيه تتبليه وتحضريه بالبيض و البقسماط وتحطيه فى الفريزر والفراخ والبفتيك كله نفس الطريقة والكبيبة برضه تحضريه كانك هتطبخيه وبعدين تخزنى وكفتة الارز تحضريها وتحمريها وبعدين على الفريزز...............
وبالهنا والشفا ورمضان مبارك علينا

[admin]

بامكانكم كذلك عمل العجينه وتقسيمه لاقسام بعد ما تخمر وتفرزنونها لكم مره

والحشوات كذلك ممكن تفرزنونها

وكذلك ممكن تفرزنون خلطة التشيز كيك السفليه وبعدين تضيفون لها باقي المكونات يعني تخلصون نص الشغل والنص الباقي يكون اسهل
وكل عام وانتم بخير

[حواء]

انا بديت سويت بعض الاشياء بعد وبسوي اليوم زياده ان شاء الله اليوم دور حشوة الدجاج بجهزها

ويمكن افرم بعض الاشياء واسوي صلصات اجهزها اوزعها بالفريزر

مثل البقدونس والفلفل البارد والطماط والبصل والجزر
وبسوي الشيره بحطها بالثلاجه قبل رمضان بيوم باذن الله

والله يوفقنا

[شيخة الحريم]

أشكركم وايد استفدت من مقترحاتكم