ياليت تساعدوني

[سناالشمس]

السلام عليكم ,,انا عندي مشروع جديد للجلابيات كل الجلابيات تصميمي بس مب عارفة كيف اسويلهم دعاية ..واسوقهم ...ياليت خواتي التاجرات يعطوني تجربتهم او اي اخت لديها فكرة ممكن تساعدني لاتبخل بها علي انا انتظركم

[سما راك]

ان شاء الله يساعدونج التاجرات

[الملتزمه]

ممكن تعرضيهم على النت , او تسوقهم لكي مندوبه بنسبه, وربنا يوفقك

[ام علية]

اعرضيهم عالنت او خبري الناس الي تعرفينهم ويخبرون ربيعاتهم

[صلاتي حياتي]

احصلي على عضويةتاجره في المنتديات واعرضيهم

[ام سلامه]

مرحب سوي كروت وزعيهن ونشرات وزعيهن علي البيوت موفقه حبيبتي

[شبيهة الريم]

عندج النت و الاصدقاء و الاهل ^^ لهم دور

و البزنس كارد يأثر

[كرز حامض]

السلام عليكم ورحمة الله وبركاته

اختي الغاليه دايما في كل تجاره او فتره تحصلين ان الشغل يمشي شوي شوي وببطئ شديد ويتعبج وايد وماشي ربح بس بيكون خساره يمكن اول سنه او اول سنتين فبتكونين تصرفين من جيبج طبعا على الدعايه ولين يستويلج اسم وسمعه
اهم شي المعامله والدعايه

اعتمدي على اللين بالمعامله بتكسبين زباين واللي تحب تعاملج معاها وعروضج واسعارج وجودة بضاعتج بترد تشتري منج مره ثانيه وثالثه وبتخبر اهلها وارباعتها

انتي عليج بالدعايه والمعامله ولا تستخسرين انج تسوين دسكاونت علشان تبين تطلعين راس المال بسرعه جنونيه

مثل ما قال المثل لا تسرع فان الموت اسرع

يعني توج فتحتي المحل لا تخلينه يموت بسرعه طولي فيه حتى لو ما ربحتي اول سنه او سنتين وبعدين باذن الله رب العالمين بيرزقج الخير الكثير وبيوفقج

اهم شي نسيت اقوله ان التجاره ما تشغلج عن الذكر والطاعه وتصدقي لان كلما تصدقتي بتربحين اضعاف المبلغ اللي تصدقتي فيه وبنفس الوقت بتحصلين اجر

والله يوفقج الغاليه