عيالي والقطة ميمي

[أم عمر]

السلام عليكم

بخبركم عن سالفة عيالى ويا قطة اصغيرة تركتها امها في منزلنا وتعلقوا فيها عيالي يشيلونها ويلاعبونها وسولها طوق بالكورشيه ويسبحوها ويدخلوها في الصالة وتحب تلعب وتناقز وسموها ميمي

حتى ولدي اللي عمره سنتين اول ما يقوم من النوم يسأل عنها في البداية كان يخاف منها والحين خلاص يشلها ويعقها حتى هي تخاف منه وتهرب خخخخخخخ

شو رايكم انا ساعات افكر اشلها ووديها بعيد بس يوم اشوف تعلقهم فيها وحركاتها ولعبها اتراجع

شوروا علي

[صلاتي حياتي]

انا اموت بالحيونات الصغيره
تربيتهم وعطفهم للقطوه شي ممتازبس ما أايد وجودها داخل المنزل لانها ناقله للامراض
اولا :ممكن تربينها بس خليها برى البيت بس المصيبه ان كانت انثى كل شهر بتحمل وتترس لج البيت
ثانيا : عودي عيالج او أهليهم انج بتشلينها عسب ما يضايقون ويزعلون او اطلعوا يومين برى البيت وخلي حد من اهلج ايشلها وقولي ضاعت طلعت برى البيت

لاتنسين ان تيب مرض القطط للاناث اللي يخلي الوحده تعق
وامراض الصدر والحساسيه

[أم عمر]

ما دري والله هي بعدها صغيرة ؟؟

بس صدقج لازم انتبه الله العالم شويصير الله الحافظ ومشكورة الغالية على النصيحة

[مياري]

تسوي امراض

وديها بعيد عنهم

الله يحفظهم و يخليهم

[لولو الصغيره]

صراحه وناسه

انزين ليش ما تودينها بيطري ويطعمونها ويقصون لها اظافرها لكم القطوه حلوه بالبيت وبعد ممكن تعلم اليهال الرحمه والعطف
وممكن تسبحونها من فتره لفتره علشان النظافه

[همس الامواج]

تسلمين اختي..
وربي يبارك لج فيهم ياارب..

[نواعم]

ريلي ما يحب القطاو