ميني ميني تارت بالتمر و الجوز بالصور خطوة خطوة ( لذيذ جدا وهش )

[ورودة دبي]

يايبه لكم طريقة ميني ميني تارت بالتمر و الجوز
اتصور انكم تعرفونه ... و سهل !

لكني من يومين كنت يالسه اسويه و الكاميره صوبي

فصورت و قلت اعرض الطريقة مره وحده


المقادير

بيضة وحده
فنجان قهوة سكر مطحون
فانيليا شوي
زبدة 200 غرام
طحين ابيض 1 كوب (250 غرام )
نشاء ربع كوب
حليب مركز فنيان قهوة

تمر منزوع النواه ( 10 حبات تقريبا )
جوز مقطع لقطع صغيره ( تقريبا استخدمت 10 حبات )

الطريقة

بالخلاط الكيك ,, نخلط البيضة مع السكر و الفانيليا لمدة 3 دقايق لين مايتكثف و يتضاعف و يصير مثل الكريمة


نذوب الزبدة ونضيفه للخلطة اللي فوق و نضيف عليه الطحين و النشاء و نخلطهم مع بعض

بنحصل على عيينة ناااااااعمه و هشه ,,
نغطيها و نتركها 10 دقايق ترتاح !




http://www.l22l.com/uploads/bc503fbb49.gif (http://www.l22l.com)


نييب قوالب الميني تارت الصغار ,, و نحط فيه اوراق البيض

ناخذ من العيين و نفرده في القاع و نمد العيين على اطراف الورق بحيث انه يغطي الحواف

1- كمرحله اولى نحطه في الوسط العيين ,, قطع التمر
2- نحط عليه شوي من قطع الجوز
3- بالخاشوقه نصب عليه شوي من حليب المركز

http://www.l22l.com/uploads/689f7b5e41.gif (http://www.l22l.com)

ندخله الفرن على حرارة متوسطه ربع ساعه
ونطلعه

ع الطبيعه وايد حلو شكله و لذيذ جدا جدا
وسهل مايباله عباله و بسرعه يستوي


http://www.l22l.com/uploads/13c42647d6.jpg (http://www.l22l.com)

واللي تجربة تقولي رايها !

[كنااانه]

تسلم اييييدج مشاء الله باينه لذيييييييييييذه ما تعزميييييييني ؟ :)

[miss_layali]

رووووووووووووعه

[هنـــو]

مشكوره حبيبه قلبي على الموضوع الرائع والقيم

حلى يستاهل التجربه

جزاكي الله الف خير